… بنكتب لمين … بقلمي معوض حلمي الفلاح الفصيح جمهورية مصر العربية
بنكتـب لمـــــين ..؟
بنكتب لروحـــنا
ونفتح جروحـنا
ونفتــــح قضـايا
الرغيف والجنيه
عشان سن قلمي
هايفضــــل نزيه
هاكتـــــب يابيه
ياعامـــــل نبـيه
وعامـل مطنـش
وعلمك ماطلـش
ولانفــــــع فيــه
ولا جابلي لقـمه
وطبطب وداوى
ولاغطـى لحمي
وصــد ابن أوى
ولاســاب أمـاني
تخضر زمــــاني
فهاكتب أغــاني
تداوي الالــــــم
وهـابري القلـــم
واحنن ظــروفي
واطرد ف خوفي
واطمن ف ناسي
وهاسرح بفاسي
وهاعمـل حروفي
مواني ومـراسي
مادمنا ف متاهه
وتوهنا ف مداها
وغاب الدليـــــل
هاكتــب ياعـين
هاكتـب ياليــــل
ياحضــن الغلابه
واكســر بشـعري
ســـــنان الديابه
وناب الدخــــيل
اللي داخل يطبل
عشان يبق شاعر
يبــــيع المبـادئ
ويسـرق مشاعر
ويوصـــل لفوق
هاكتــــب بذوق
عشان يوم تروق
الحياه تصطفـينا
تطفي الشـراقي
اللي شقق عينينا
تضـــــلل عليــنا
وننده عليــــــها
خـلاص استوينا
اســـتوينا يابـيه
ياأعمى البصيره
ياعامل نبــــــيه
بتســــألنا ليــــه
بنكتب لمــــــين ..؟
جوابنا ياسـيدي
بنكتب لروحـــنا
ونفتح جروحـنا
ونفتــــح قضـايا
الرغيف والجنيه
عشان سن قلمي
هايفضـــل نزيه
هاكتـــــب يابيه
هاكتـــــب يابيه
………………………………………
بقلمي معوض حلمي الفلاح الفصيح
منشأة بطاش تمي الأمديد دقهلية
