قصيدة شعبية.. علي أصل الإمامة.. بقلم محمد حبيب الخطاط. جمهورية العراق
علي أصل الإمامة ومعدن التنزيل
شما تذكر فضائل تنحسب قطره
بس الله ويه طه يعرفون البيه
الباري من الأزل ويعظم ابقدره
نوره بالعرش وي سيد الاكوان
قبل خلق الخلايق وافهم العِبره
من تنطق اسم حيدرنا واهل البيت
بعلو الصوت صلي لمن تذكره
اللهم صل على محمد وآل محمد وعجل فرجهم
أحاديث النبي بحبه لعلي كثرت
بين بيهه حك المُرتضى و فضله
مثل هارون طه حطه وخلاه
تشارك ويه موسى وخفف ابحمله
وكاللهم علي أفضل شخص بالكون
من بعد النبُوَّة ولازم اتقبله
حسافه حيدره سيف الغدر يدميه
ومنكوعه السموم بسيفه من سلّه
هدم ركن العدل والحكمه والإسلام
ولا واحد وصل للمرتضى إبعدله
صارت مظلمه هالدنيا لمن راح
ابد ما تنغفر للأمه هالزّله
غدر وظلم متحملّه من اسنين
آلاف الكتب هذا الجره اتنقله
غمض عينه طه وابتدوا بالحال
كم واحد بقه المتمسك بأصله
قليل الي حفظهه وصية المختار
والناكر وصيته اللعنه حتشمله
علي شمس الضحى لتنور الأوطان
بايمان اوعلم كل مؤمن ايجله
آيه للبشر رب العرش صفاه
ما تلكه شخص يحمل فكر مثله
وبكل معركه منصور بأذن الله
يا اشجع بطل بتاره لو سله
يا حامل هموم الدنيا والأصحاب
ابكلبك يا أمير الكون متحمله
من غيرك نشر هالدين بين الناس
العدل والخير الهم رايد توصله
آلاف الفضائل باسمه مكتوبات
المعاجز للوصي وأعماله متسجله
ما كمل شهر رمضان يا ويلاه
أميه والخوارج تنتظر قتله
ابن ملجم لعين وغدر بالكرار
ما رادوا علي يضل يحكم ابعدله
يريدون الظلم والجهل منتشرين
وللحق والعدل هالظالم يعطله
بقلم
محمد حبيب الخطاط
