🌹 صرخة حب 🌹بقلم وليد جمال محمد عقل
ساعِديني في إنِّي أنساكي
ساعِديني أغيِّر إحساسي
ساعِديني زي ما حَبِّيتِك
ساعِديني فـ إني أنساكي
ساعِديني لَمّا أتألَّم
وقلبي من الألَم يصرُخ
ساعِديني ما أتألَّمش
وأنساكي… وما أتكَلِّمش
ساعِديني إنِّي مَقولش ليكي
كلام في الحُبّ، وإنتِ عندي
نبضِ القلب، والروح والشعور
ساعِديني لَمّا قلبي يفقد
في الهَوى نبضُه ويتألَّم
بصرخة حُزنٍ، وآهٍ مكتومه
ساعِديني إنِّي أنساكي
ساعِديني أعلِّم قلبي
ما يِشتاقش ليكي
ولمِين هقُول كلمة “حبيبتي”؟
إن مَقولتش ليكي إنتي!
معاكي… إنتي بحِسّها
بحِسّ نَبضي… والحياة
ساعِديني، ووَعديني
تعلِّميني قبل ما تِمشِي
وتسيبيني… علِّميني
إزاي أعيش بعدِك يا حبيبتي
والحياة بعدِك… مفيش
قلبي بيتألَّم، مش قادر
إنُّه ينساكي
وإزاي أنسَى؟
وكل لحظة، وكل ذِكرى
في قلبي… لِسه ليكي فيها
في قلبي ذِكرى 🌸
. بقلم وليد جمال محمد عقل
