نص شعبي – بعملهم متعامل- بقلم محمد البلاط. جمهورية مصر العربية
بعملهم متعاملش ولرضاهم متجاملش
واوعى تفتكر اللى باعك يشتريك فى يوم بقرش
كون صبور بقلب طيب سهل تيجى من قريب
انسى اللى عليك عيب فى عتابه قال ماقلش
انسى اخوك لو كان ظلمك والقريب اللى منك
واللى جارك لو يضرك لو عملك حنة فرش
انسى وابعد واوعى تعند كون صبور وبقلب طيب
سهل تيجى من قريب اردم الماضى برتش
وبعملهم متعاملش ولرضاهم متجاملش
واوعى تفتكر اللى باعك يشتريك فى يوم بقرش
للفرح مبقاش مكان بعد ما خان اللى خان
الأمان ضاع مننا وانتهى بينا السلام
كف نفسك واكتفى و اوعى يوم تعمل عفى
من الخلايق اختفى اعلم انك تحت عرش
وان عاملت ليك حد اوعى خطوى عليه تمد
على السؤال الكلمة رد متعافرش ومتناهدش
وبعملهم متعاملش ولرضاهم متجاملش
اوعى تفتكر اللى باعك يشتريك فى يوم بقرش
بعملهم متعاملش
– بقلم محمد البلاط
