ظل الامنيات اللي اتأخرت بقلم/نشأت البسيوني
ظل الامنيات اللي اتأخرت بيطارد قلبك من غير ما تحس كأنه واقف وراك في كل لحظه بيقولك افتكر انك حلمت قبل كده وانك صدقت في بكرة وانك قلت لنفسك مليون مره ان اللي اتأخر جاي وان اللي ضاع كان لازم يضيع وان اللي مستنيك اكبر من اللي فات وفي زخمة الدنيا بتلاقي نفسك ماسك حلمك من حروفه حتى لو اتقطع ومكمل حتى لو كل حاجه حواليك بتقولك توقف لانك ببساطه
اتعلمت من الزمن ان اللي يكمل هو اللي يستحق وان اللي يصر هو اللي يوصل وان اللي يوجعه الحلم ما يتخلاش عنه مهما طال الانتظار وفي لحظات كتير هتحس انك واقف في نفس مكانك وان الدنيا بتجري حواليك وان ناس كتير عدت من جنبك وناس سبقتك وناس كانت معاك وفجأه اختفت بس لما تهدى وتسمع صوت جواك هتعرف ان الطريق مالوش علاقه بسرعة غيرك الطريق ليه علاقه
بقلبك انت وطاقتك وقدرتك على الاستمرار وقدرتك انك كل يوم ترجع تقف حتى لو وقعت امبارح عشر مرات والامنيات اللي اتأخرت مش ضعف منك بالعكس ده دليل انك لسه ماسك الامل رغم كل التعب وانك لسه شايف قدامك حاجه حتى لو الدنيا عامله ضباب وانك لسه جوه قلبك ضوء صغير بيقولك متخافش لسه بدري على الاستسلام ولسه بدري على النهايه ولسه فيه حاجه
بتتفتح قدامك يمكن بعد ساعه يمكن بعد يوم يمكن بعد سنه بس هتيجي طالما انت مؤمن انها ليك وساعات بنفتكر ان التأخير عقاب بس الحقيقه انه رحمه انه حماية انه ترتيب اكبر من خيالنا لان في حاجه كانت محتاجه تكبر جوانا وحاجه لازم تقع من حوالينا وحاجه لازم تتغير فينا قبل ما الحلم يتحقق علشان لما يجي ما يضيعش ولما يمسك في ايدك ما يفلتش ولما يبقى ليك يبقى ليك
بجد والايام بتعلمك ان كل ما تتأخر امنيه بتتولد فيك قوة وكل ما يتأجل حلم بيتبني فيك صبر وكل ما يفوت وقت بتعرف قيمه اللي كان نفسك فيه ولما يتحقق مهما بعد هتحس انه جه في الوقت الصح مش الوقت اللي انت اخترته بس الوقت اللي انت كنت جاهز له اكتر من اي وقت قبل كده وفي آخر الرحله هتفهم ان ظل الامنيات ماكانش بيلاحقك علشان يخوفك كان بيذكرك ان لسه
جواك حاجه بتتحرك حاجه بتتخلق من جديد حاجه بتقولك كمل لسه اللي جاي قادر يغيرك ويرجعك لنفسك ويرفع راسك ويخليك تقول من قلبك الحمد لله اني متمسكتش غير بالحلم اللي كان ليا وان اللي اتأخر جه لما بقى قلبي اقوى وروحي انضج وطريقي ممهود ومستعد يشيل الفرحه اللي اتأخرت لكنها عمرها ما كانت ضايعه
